«Ալեքս Տեքստիլ» ընկերությունը տարածաշրջանում խոշորագույն ընկերություններից է: Հիմնադրվելով 2015թ-ին՝ ընկերությունը շատ կարճ ժամանակահատվածում կարողացավ գրավել տեղական շուկան և մեծ հետաքրքրություն առաջացրեց արտաքին շուկայում: Որակյալ արտադրանքը անմիջապես գնահատվեց սպառողի կողմից, ինչպես նաև արժանացավ «Համազգային Վստահություն» մրցանակին: «Ալեքս Տեքստիլ» ընկերությունը շուկայում աչքի է ընկնում ոչ միայն բարձրորակ ապրանքնատեսականիով, բարձրաճաշակ դիզայնով, այլև մրցունակ գներով: Ընկերության  արտադրությունը բաժանվում է երկու ուղղության՝ գուլպաների արտադրություն և կարի արտադրություն: Գուլպայի արտադրամասը միակն է տարածաշրջանում իր տեխնիկական հագեցվածությամբ: Իտալական Լոնատի ընկերության երրորդ սերնդի հոսքագիծը առանձնանում է իր տեխնիկական բարձր հնարավորություններով, որոնցից մեկն էլ այն է, որ գուլպան գործվում է սկզբից մինչև վերջ առանց կար: Արտադրությունում օգտագործվում է միայն բարձր որակի հումք: Ինչպես գուլպայի, այնպես էլ կարի արտադրամասը հագեցած է աշխարհում հայտնի ապրանքանիշների մեքենաներով և սարքավորումներով (Ճապոնական Pegasus, Juki, Kansai և այլ ապրանքանիշներ), որոնք թույլ են տալիս ունենալ միայն ու միայն բարձրորակ ապրանքատեսականի: Կարճ ժամանակ է ինչ գործում է ընկերությունը, սակայն արդեն ոչ միայն իր ուրույն տեղն ունի շուկայում, այլ նաև առաջատարն է տեքստիլի արտադրությունում: Ընկերության առաջնային նպատակն է հայկական շուկան մաքրել էժանագին և ցածրորակ ապրանքներից և զարկ տալ տեղական արտադրությանը, ինչպես նաև արտաքին շուկայում ճանաչելի դարձնել հայկական արտադրության բարձր որակի ապրանքատեսականին: